[color=red]أهم قوانين الطبيعة!!!!!!!!!!![/color]

قانون الاصطفاف : إذا صاف في طابور بطيء وقمت غيرته، طابورك اللي غيرته فجأة يصير يمشي أسرع من اللي انت هلأ فيه



قانون التلفون : عمرك ما تتصل على رقم غلط ويطلع مشغول



قانون التصليح : بعد ما إيدك تتزيت وتتوسخ من الشحم ودهن الماكينة، منخارك يبدأ يحك



قانون المعدات : إذا وقع من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه



قانون الأعذار : إذا تأخرت عن الدوام وقلت لرئيسك أن كان عندك عجل مبنشر، اليوم اللي بعده يبنشر عن جد

قانون المسبح: بعد وضع جسمك في الماء، يبدأ التلفون يرررررن وما يسكت



قانون الالكترونيات : إذا أخذت جهاز عند مصلح بدك تفرجيه انه ما يشتغل، يم بصير يشتغل أحلى كلام



قانون السينما : اللي حاجزين كراسي في النص لازم يجو آخر ناس ويدوسو على رجليك



قانون القهوة : أول ماتجيب لك قهوة وانته فالدوام، يجي مديرك ويعطيك شغلة ما تخلص الا لما تبرد قهوتك



قانون المصادفات : إذا كنت مع واحد مابدك حدا يشوفك معاه، فجأة كل اللي تعرفهم بطلعو من كل مكان



قانون الأقساط : إزا عندك سيارة أي سلعة مطلوبه للأقساط،،، مجرد ما تنتهي الأقساط تخرب !!!



قانون الزواج: بعد شهرين من زواجك... يسألوك ها في إشي بالطريق ؟؟؟خخخ



قانون نهاية الأسبوع : وأنت نايم يوم الجمعة في عز النومه أمك بتبعت أخوك الصغير يقلعطك لحتى تصحى عشان الغدا !!



قانون الراتب : آخر الشهر لازم كل العزايم والهديا والطلبات تزيد ...حبكت يعني!!!



قانون الطقس : لازم بنهاية الاسبوع وانت متحمس تطلع تفيع أو تسهر مع الشباب

بصير الجو هوى وغبار وحر و رطوبة بمعنى ثاني الفصول الاربعه بيوم واحد



و أخيرا قانون البحث : إذا حبيت تدور شي معين(ما بتلاقيه).... مع إنك كنت كل يوم تشوفه مزتوت بخلقتك ؟؟

رح أضيف قانون جديد: ( أنت طول عمرك ملتزم باللباس النظامي في المدرسة لكن لما يجي على بالك تخالف بيوم من هالأيام بتعمل آنسة الانضباط تفتييييييييييييش عاللباس!!!!!!!!!!!)

عنجد انا هيك بصير معي احيانا

هههههههههههههههههههه مشكورة