للتشارك في الاراء والمعلومات وتكوين صداقات جديدة معا نصنع عالمنا
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 قاموس:حموي_شامي

اذهب الى الأسفل 
كاتب الموضوعرسالة
صديقة الحياة

avatar

عدد المساهمات : 326
نقاط : 4169
تاريخ التسجيل : 17/09/2008
العمر : 25

مُساهمةموضوع: قاموس:حموي_شامي   الثلاثاء سبتمبر 15, 2009 2:30 am

الحكي الحموي ,,(مو الحواضري ) مقارنة بالشامي
نحني = نحنا
سودِه = سودا
يستر عالمحشي = يستر عليك
لحمة بالصينية = لحمة بالصحن
سختورة = أشَة
داني = إدني
حدي = حدا (بني آدم )
أترة = شوي
أرواح = روح معي
علَق الضو = شغل الضو
كرجي الأرض = كنسي الأرض
آظان = سخان للحمام
جودلي = لحاف سميك
نتدرج = نتمشى
كماجة خبز = رغيف خبز
مضى = حاج أو خلص وبالفصحى " كفى "
نربيج = بربيج وبالفصحى " خرطوم المياة "
خراطة = تنورة
تتعوفوا = تتأخروا
شن لبن = خفق لبن
جنأ = صحن
أرواح : يقصد بها هيا لنذهب
ألشين : يقصد بهما الجوارب
كماجة : يقصد بها رغيف
شوبيك : هي بالحواضري أي - ما بالك و تكون الإجابة ( ما بو بلا )
من كعب الدست : شغلة كبيرة أو (أخت أختها) بالشامي
جأمتني : أي طعجتني بكلامك
والمجؤوم هو صاحب الحنك الملتوي
برطاش : هو الرخامة التي تكون أمام باب الحمام
الشمندور : وهو أول ما يُحلَب من البقرة بعد أن تلد
ويعرف في اللغة العربية الفصحى وطبياً بـ اللبأ
يؤكل مع القطايف والقطر
الحردون : وهو حيوان زاحف يعرف بـ الضبّ وهو من اقرباء أبو بريص
حملت درب طْريقي (بسكون الطاء) : أي مشيت في طريقي
الجئّات : وهي أمعاء الخروف التي تحشى وتطبخ مع الدراكيل لتصبح الأكلة ككل تعرف بالسختورة
الدراكيل : جمع درْكولة وهي القطعة المكوّرة من كرشة الخروف والتي تعتبر المكون الرئيسي للسختورة
رحت لعند المنّو : أي ذهبت اليه
لا ياااااااااااا : اسم فعل مضارع بقصد الاستنكار معناه بالله عليك مع مراعاة مطّ الالف قدر المستطاع
السنفور : حيث أُستخدم هذا المصطلح للسيرفيس لصغر حجمه .....
بغو : يُستخدم هذا المصطلح للشيء الصغير و الطري بحيث لم يكتمل نموه بعد أو لم يصبح قاص بعد ...
مسخَمة : بمعنى مشحَرة و معترة.
استنطر : استنى .
صحلو : ناديلو
هبَرلو : سماعات الستريو .
شيعانين : بمعني عمرو ما حدا يرت.
بغضر : بقدر ...ما بغضر : ما بقدر.
غناية : غنية
أبو فريوة : وهي الكستناء
كرتعت = ظنطرت = تجمدت من البرد
حئّاااااا؟ = اسم فعل مضارع يفيد الاستفهام بمعنى هل هذا صحيح؟
ترّك (مع تشديد الراء) = اترك من يدك
اتناوأ : بمعنى اتطلع
قبّوع أو أبّوع : هو بوري البوظة أو البوشار (قمع)
تلأح أو تشطح : استلقى
لأ إي : وتلفظ بسرعة لئّي بمعنى مبلا
مسبات (لا معنى لها) ودعوات :
يقطع خملك : بمعنى يحرء حريشك
الله يهمّدك : من الهمود أي الركود
الله يلكعك : يلكع أي يعسر أمراً
أبو خبيت : بالجهنم
وخنان قبرصي : بمعنى وجع
رَكْوة: دولة القهوة
عَجُو: بذر الزيتون
بلا مَراقة (القاف تلفظ همزة- مشتقة من مرقة الطبخ): بلا مياعة و سقالة
سمْكِة: سمَكِة
سَفّاية: كريك - إنتو أكبر قدر -
تدقك نكشة :العين تطرقك
لا تنحرني : لا تنكشني
عادات الحواضرية ,,,
الحواضريه على سلامتهم طبعا ولكن ما بيشتهروا الا بكم شغله ,,
*أهم شي بحكين تضخيم حرف الراء
*يا سما ااااا = مثلا بدل ما نادي لشخص باسمو بقلوا ..يا سمااااااا
*كسر الكندرة من الخلف ..شغله طبيعيه عند الرجل الحواضري اول ما بيشتري الكندرة لااااازم يكسرها برجله
الشاروخ و الصندل هذه مردفات لأنواع من الأحذية الصيفية و الشاروخ على وجه الخصوص هو من إبتكار حموي و له سمعة عالمية و بخاصة في دول الخليج و ذلك للمهارة في صنعته و جودته .
حلاوة الجبن :
مشهورة ..بدون ما احكي عنها
شعيبيات :
عجينه محشية قشطة حمويه ومنحط فوقها قطر .
سيالات :
عجينة القطايف عصافيري نفسها بس بحجم أكبر منحطهم فوق بعض بعد تسخينهم بالسمن الحموي ومنرش فوقهم سكر وقرفه وجوز .
بغاجا :
عجينه ممدودة بالصينية محشيه قشطة حمويه ومرشوش فوقها سكر ناعم .
مغطوط :
خبز تنور منغطه بحليب سميك شوي ومنرش فوقه سكر .
باطرش :
متل المتبل العادي بس منضيف فوقه صلصله بندورة مع لحمة ناعمة .
ملاحظه : جميع الاكل بينعمل بالسمن الحموي مشان هيك الجلطات وعمليات القصطرة شغاله على ابو حنب بحماه.
ملاحظه تانيه : معروفين الحمويه بشرب اللبن كتير ولو بيطلع بايدهم بيشربوة مع البقلاوة . ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د.محمد حجازي



عدد المساهمات : 33
نقاط : 3381
تاريخ التسجيل : 30/08/2009
العمر : 32

مُساهمةموضوع: رد: قاموس:حموي_شامي   الثلاثاء سبتمبر 15, 2009 5:41 am

هلأ أنا من سكان الحاضر بس جد أنتو بتنسبوا الكلام لأهل الحاضر هاد الكلام اللي في مطة بس انا شفت اناس من السوق بيتكلموا كلام ما أنزل الله به من سلطان متل منطقة الشيخ عنبر ومنطقة العليليات وجنوب الملعب والتعاونية والصابونية وكتير مناطق بالمقابل في اناس من الحاضر حكيهم كتير ناعم وأنا من الناس مثلا بعيش بالحاضر بس لهلق ما سمعت أبدا شخص بقول ((ما بو بلا )) لذلك أنا بعلق الموضوع على مستوى الثقافة مو على المنطقة بعدين جد تعالوا شوفو الناس كيف عايشة ببعض المناطق مثل منطقة الشرقية فقر أكثر من قاتل والله وإذا تفشى الفقر بمكان فتوقعوا كل شي وأولها الجهل

مشكورة على المشاركة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دمعة أمل
Admin


عدد المساهمات : 132
نقاط : 3819
تاريخ التسجيل : 06/09/2008
العمر : 24

مُساهمةموضوع: رد: قاموس:حموي_شامي   الثلاثاء سبتمبر 15, 2009 11:38 am

أنا برايي هي اللهجة شبه انقرضت وهلء طلعت لهجات افظع"منشان البريستيج" بيخلطوا الانكليزي مع العربي مع الفرنسي
بالاضافة الى لكنات مصطنعة تسيء للغة العربية ةبصير الحكي ماكوكتيل بس الا شوربة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://lamasat.ahlamountada.com
 
قاموس:حموي_شامي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لمسات ملونة :: المنتدى العام :: المنتدى الترفيهي :: منتدى المعلومات الطريفة-
انتقل الى: