يوميات طفلة مشاكسة 5 رمضان

مرحبا

أنا حابة أكتب يوميات وأفكاري شوالسبب يلي دفعني لهل الشي
بكل بساطة لأنو حياتي فيني ألف منها مسلسل بعشر أجزاء
أول شي أنا لازم أعتذر ن كلشي داق السباغيتي يلي طبختها مبارح لأني عنجد اكتشفت انها كانت فظيعة بس أنا مبارح أكلتها صب عني يعني مجاملة مع حالي لأن ماكان بدي حطم معنواياتي وأطلع بالخجلة يلا خيرها بغيرها والتكرار يعلم الشطار
تاني شي رح أحكيلكم عن المعركة يلي صارت مبارح وأحداثها كما يلي:
مبارح أنا أخدت وراقي من مدرستي لأني انتقلت على مدرسةجديدة والمهم انو وراقي ضلت معي لليوم وانا بالليل صار الشيطان يوسوسلي قصدي نفسي تسوسلسي\ لانو الشيطاين مربطة\
اني قوم وشق هم وارتاح من هم المدرسة والدراسة والله وعلقت معركة حامية بين نفسي الشرير وضميري الحي طبعا كان نفسي عم بتذكرني بماسي المدرسةوآهاتها أما ضميري الحي فان عم بقلي أنو يابنت والله بكرة بديق خلقك بدون مدرسة كيف يعني بدك تشاغبي وتأذي بعدين هي المدرسة تضييع وقت والنهار طويل واذا ضليت بالبيت مافي غير تسمعي خناقات أخواتك وتقضيها حلالة مشاكل وعلى كل الاحوال حتدرسي يعني حتدرسي وكل الطرق تؤدي الى روما ومالك غير تستسلمي للامر الواقع
والله المهم أنا قمت ماسمعت كلام الاتنين ضليت نايمة وطنشت بس بتعرف ليش ههههه
بكل بساطة كان الوراق بالمكتبة ,وأنا ماكان الي مروة روح جيبهم وشقهم فحطيت راسي ونمت
يلا باي